Qiseyanê Yanardagî mehkeme dejnaya!
Mehkemeya Cezaya Girane ya Îstanbulî sebebê bira xo ya serê rojnameger Merdan Yanardagî eşkera kerd. Mehkeme vat ke qiseyanê Yanardagî yê serê tecrîdê Îmraliyî 'dejnayo.'
Mehkemeya Cezaya Girane ya Îstanbulî Mudirê Weşaneyî yê Tele1î Merdan Yanardagî rê 'propagandaya rêxistine' ra cezaya zîndanî ya 2 serran û 6 mengan dabî. Mehkeme sebebê bira xo eşkera kerd.
Sebebê bire da ame vatene ke ''Yanardagî bi qiseyanê xo xîret kerd ke Abdullah Ocalan û PKK sempatîk bimojno, bi taybetî ciwanan rê Abdullah Ocalanî sey tepişteyê sîyasîyî bimojno. Nê qiseyanê Yanardagî dejna. Yanardagî bi qiseyanê xo propagandaya rêxistine kerde coka ceza dîyaye ci.''
Se bibi?
Merdan Yanardagî bernameyê xo de vera tecrîdê serê Rayberê Şarê Kurdî Abdullah Ocalanî qisey kerdbi coka tepişîyabi. Roniştişê dewa yê 4ê teşrîna verêne de cezaya zîndanî ya 2 serran û 6 mengan dîyabî Yanardagî û dima o vera dîyabi.
