Merkezê Îrtîbatî û Çapemenîye yê QSDyî bîlançoya hêrişanê dewleta tirke û çalakîyanê şerwanan eşkera kerde. Bîlanço wina ya:

‘’Hêzanê ma roja şemetî Pirdê Qereqozaxî û Minbicî de vera îşxalkeran tayê çalakîyî kerdî.

Girê Qereqozaxî de vera baregehê dewleta tirke ya îşxalkere hîrê çalakîyê bitesîrî ameyî kerdene. Netîceya ney de 4 çeteyî kişîyayî, 10 çeteyî birîndar bîyî û wesayîto leşkerî ame derbkerdene.

Cepheyê Tişrînî de vera çeteyanê dewleta tirke ya îşxalkere çalakîyêke ameye kerdene û xeylê çeteyî kişîyayî û birîndar bîyî.

Cepheyê Til Temirî de vera baregehê Til Lebanî yê îşxalkeran çalakîyêke ameye kerdene. Çalakîye de 1 leşkero tirk kişîya, 2 leşkerî birîndar bîyî, 1 sîstemê radarî û sîstemê çimdarîye ameyî îmhakerdene.

Dewa Aşmê ya Kobanê de keyeyêk dîya bombayan ver. Hêriş de 7ê ci domanî, 2yê ci cinîyî 10 kesî birîndar bîyî.

Dewa Munîr Hebîbî û Idîqê ya Kobanê dîyaye bombayan ver.

Dewê Bîr Hiso, Xeseq, Melha, Xirûs, Tîna û Cade yê Kobanê dîyayî bombayan ver. Tîya de şerwanêkê ma şehîd bi û çar şerwanê ma birîndar bîyî.

Cepheyê Dêr Hafirî û Awbendê Tişrînî ancî dîyayî bombayan ver. Tîya de zî şerwanêkê ma şehîd bi. Hêrişê vera Awbendê Tişrînî yê bînî de zî 2 sivîlî ameyî qetilkerdene.

Şerwananê ma cewab da hêrişan û derbê giranî dayî îşxalkeran ro.Cepheyanê Awbendê Tişrînî û Pirdê Qereqozaxî de 6 şerwanê ma şehîd bîyî.’’