Vera darbeya qeyûmî ya  serê Şaredarîya Sêrtî rayraşîyayîş ame akerdene. Hemwelatîyan sloganê sey ‘’ Ma do bi xoverdayîşî ser bikewê’’ vatî. Hemşaredarê Sêrtî Sofya Alagaş û Mehmet Kaysî, Wekîlê DEM Partî, Mayê Haştîye û xeylê kesî tewrê rayraşîyayîşî bîyî.

Çalakîye de hêverî endamê Meclîsê Şaredarîya Sêrtî Aykut Savaşî qisey kerd û bale ante têkoşînê hemparî ser. 

Vervatoxê Demkî yê Platformê Şubeyanê KESKî yê Sêrtî Osman Yuztaşî zî seba qedîyayîşê bêhuqûqîya rejîmê qeyûman veng da. 

Wekîla DEM Partî ya Mêrdînî Bêrîtane Guneş Altin zî pare kerd ke rayîrê haştîye demokrasîyî ra derbaz beno û vat: ‘’Ma qeyûman qebul nêkenê. Ma do kerdişanê înan teşhîr bikerê.’’

Wekîlê DEM Partî Sînan Çîftyurekî vat: ‘’Eke şima wayûbiratîya ma wazenê, haştîye wazenê o çax nê hêrişan vindarnê û destkewteyanê kurdan bişinasnê.’’

Serekê Pêroyî yê PÎA Ahmet Kayayî venga şarê Sêrtî da ke vera xespkerdişê îradeyî tewirê xo bimojno.

Çalakîye bi sloganan qedîyaye.