Gerîlayanê YJA-Star û HPGyî ajansê ma rê qisey kerd û koyanê azadan ra xoverdayîşê şerwananê Tişrînî yo tarîxî selam kerd.

Gerîlaya YJA-Starî Esmere Salar vat: ''Artêşa tirke ya îşxalkere hêrişê Tişrînî kena, şarî qir kena. La serkêşîya YPJ, YPG û QSDyî de xoverdayîş û têkoşînêko pîl yeno kerdene. Erkê ma pêroyînan o ke vera nê hêrişan rûmetê merdimatîye bipawê. Ma zî sey gerîlayanê YJA-Starî vera hêrişanê artêşa îşxalkere xo ver danê. Ganî ma seba cuyêka azade şer bikerê. Şorişê Cinîyan ê Rojawanî do şarê kurdî azad bikero. Ma heta peynî hetê xoverdayîşê Tişrînî de yê. No xoverdayîş ganî çarçeyanê Kurdîstanî rê vila bibo.''

Gerîla YJA-Starî Dîrene Çekdar vat: ''Tewirê dadîyanê şehîdan ê Tişrînî û qiseyê înan ê 'Ma mergî ra pîlêr ê' moral û cesaret danê ma. Xoverdayîşê Tişrînî do tarîx binuso. Ma domanê nê şarî yê. Ma seba azadîya şarê xo şer kenê. No şer do ser bikewo. Tunelanê şerî ra heta tunelanê xoverdayîşî yê Tişrîn û Qereqozaxî serkewtiş do ê ma bibo.''

Gerîlayê HPGyî Rêber Botanî vat: ''Xoverdayîşê şerwananê YPG û YPJyî yê Awbendê Tişrinî sey xoverdayîşê gerîlayan o. Dewleta tirke bi pêro îmkananê xo hêriş kena la a do ser nêkewa. Artêşa tirke verê gerîlayan û şerwanan de bin kewena. Xoverdayîşê Tişrînî îsbatê ney o. Sey gerîlayanê azadîye ma wayîrê nê xoverdayîşî vejîyê û paştî danê şerwanan. Xoverdayîşê ma qetî do ser bikewo.''