Merkezê Îrtîbatî û Çapemenîye yê QSDyî derheqê hêrişanê dewleta tirke ya îşxalkere û çeteyanê ci de eşkerayîyêke daye.

QSDyî vat: ‘’Şerwananê ma roja yewşemeyî çeteyê dewleta tirke ya îşxalkere şiknayî.

Cepheyê Awbendê Tişrînî de dewleta îşxalkere û çeteyanê ci herême daye bombayan ver. Hêzanê ma cewab da hêrişan û pêkewtişî qewimîyayî. Tîya de çeteyêk birîndar bi, hêrişî bi temamî ameyî şiknayene. Yewinanê Şehîd Harunî zî cewab da hêrişan û hêzanê ma dronêk îmha kerd.

Dormeyê Pirdê Qereqozaxî de artêşa îşxalkere û çeteyanê ci Girê Tîna, Cada, Bîr Hiso, Xeseq, Dîkna, Melha, Sina, Sêvê û Qereqozaxî û bajarekê Sirînî dîyayî bombayan ver. Şerwananê ma cewab da hêrişan û pêkewtişê şîdetînî qewimîyayî. Pêkewtişan de xeylê çeteyî kişîyayî.

Cepheyê Eyn Îsayî de dewa Ebû Sira dîyaye bombayan ver. Hêrişan de zeraro madî qewimîya. Eyn Îsa û Kobanê de droneyê çekdarî perrayî.’’