26ê hezîrane ra nata herêma Astenga Reşe ya mabênê dewanê Şîşemzîn, Xurekana Seyîda û Xurekana Temoyî ya Geverî ya Colemêrgî de hêrişê leşkerî dewam kenê. 13 dewijan herême de ameybî destbendkerdene dima nînan ra 11 kesî vera dîyabî.

Netîceya xîretanê ÎHD û OHDyî de Behçet û Bîrhat Engudar Nêweşxaneyê Dewlete yê Geverî de raporê derbe girewt.

Raporan de ame vatene ke wird birayî zî raştê îşkence û kerdişanê xiraban ameyî, bedenê înan de rêçê îşkenceyî est ê. Birayê Engudarî dima ke raporê derbe girewt reyna ameyî berdene bi Fermandarîya Cendirmeyan a Geverî.