Rayber Apoyo ke Zîndanê Îmraliyî de yeno tepiştene semedê Endamê Heyetê Îmraliyî Sirri Sureyya Onderî mesajê serweşîye şawite. Mesaj de nê ameyî vatene:

''Bi vefatê Sirri Sureyya Onderî yê sînayeyî dejêko gird kewt zerrîya ma. Merdimêko zaf erjîyaye, ewladêko raşt ê şaran bi. Anatolîya û tradîsyonê tirkmenan ewladê xo yo gird vînî kerd, pêro şaranê cografyaya ma hemrayê xo yê gird vînî kerd. Ez vîrameyîşê ey rê zaf hurmet kena. Pêvînayîşê ma yê 27ê sibate de cumleya peyêna  ke ma kerd tewrê vengdayîşî, ey bi destê xo not kerd û waşt bi xo biwano. Seba ke mîyanê haştîye de yewca de bêro ciwîyayene keda girde daye ke do nêro vîrakerdene. Ey çîyê xirabî açarnayêne çîyanê pozîtîfan, hunerê winayên de westa bi. O Nasname û kulturêko raşt ê haştîye bi.

Zanayêne ke haştîye û prosesê haştîye ma pêrune rê dano qezenckerdene û no hesretê ci yo gird bi. Na hêvî do çirey nîmcet nêro verdayene. Semedê ma pêrune çîyo muhîm o yo ke nê ruhî ma bikirişê haştîye û bi nameyê Sirri Sureyya Onderî tacîdar bikerê.

Ez reyna vîrameyîşê ey rê pabestayîşê xo ana ziwan; keyeyê ci yê erjîyayeyî, dostan, heskerdoxanê ci û heme şaranê ma rê sereweşîye wazena.

Wa sereyê ma pêrune weş bo.

Abdullah Ocalan

3ê gulane 2025''