Rayraşîyayîşê Azadîye  bi beşdarîya 200 ciwananê kurdîstanijan û enternasyonalîstan şaristanê Dortmundî yê Almanya de dest pêkerdbi. Ciwanî Dortmundî ra heta Bochumî rayîr a şîyî û roja diyîne de resayî şaristanê Essenî.

Rayraşîyayîşê bi şîarê 'Bi ruhê Apogîrî ver bi raywanîya azadîye' de ciwanan tîşort û pankartê fotografanê Rayberê Şarê Kurdî Abdullah Ocalanî xo ra dayî û înan bale ante tecrîdê Îmraliyî ser.

Ciwanan vilawekî vila kerdî û pare kerd ke ê seba azadîya Rayberê Şarê Kurdî çalakîye kenê.

Ciwanan roja diyîne ya çalakîye Essen de qedînaye. Cemê şanî zî Merkezê Komelê Demokratîkî yê Kurdan ê Essenî de ciwanî ameyî pêser û înan derheqê rewşa Ocalanî, proses û erkanê xo de nîqaşî kerdî. Ciwanan dima govende girewte.

Ewro roja 3. ya rayraşîyayîşî îstasyonê trenî yê Oberhausenî ra dest pêbikera û heta Duisburgî dewam bikera.