Serkêşîya Platformê Dezgehanê Demokratîkan de  çarçewaya Hemleya ''Abdullah Ocalanî rê Azadîye, Meseleya Kurdan rê Çareserîya Sîyasîye'' de Amedî ra ver bi Anqara ''Rayraşîyayîşê Azadîye û Çareserîya Demokratîke'' dîya destpêkerdene. Rayraşîyayîşê Azadîye roja hîrêne de Dîlok de dewam kerd.

Hemsereka DBPyî Çîgdeme Kiliçgun Uçar û temsîlkarê partîyanê sîyasîyan û dezgehanê komelê sîvîlî zî tede raywanî Partka Yeşil Su de ameyî têhet. Rayraşîyayîş de sloganê sey “Jin, jiyan, azadî”,“Bijî bexwedana gelê me”,“Em rênadin talan ê” ameyî vatene.

Wekîla DEM Partî ya Dêrsimî Aytene Kordu tîya qisey kerd. Kordu wina vat: ''Sûrîye de serkêşîya cinîyan de sîstemo ke şarî tede yew ca de ciwîyenê ame ronayene. Semedê çareserkerdişê meseleya kurdan ganî tecrîdê serê Birêz Ocalanî bêro wedaritene. No rayraşîyayîş zî semedê azadîye û haştîye yo. Ma do heme waştişanê xo reyna bikirişê Anqara. Şarê ma heseretê azadîye yo.  Bi azadîya Birêz Ocalanî do waştişê cuye azad û haştîye bêrê caardene.''

Hemserrekê Komeleyanê Elewîyanê Demokratîkan (DAD) Zeynel Keteyî zî nê vatî: ''Na cografya zaf tengayîye ante la rixmê nê şaran desta nuşt. Dewlete bi qanûnanê ke vejena elewîyan û şaranê bînan înkar kena. Seba ke hinî dayîkê meberbî, seba ke domanî memirê ma kewtî nê rayîrî.''

Endamê OHDyî Serdar Tumî zî bale ante tecrîdê Îmraliyî ser û vat: ''26 serrî yo Birêz Ocalan binê tecrîdî de yo. Eke samîmî yê wa avûkatanê Birêz Ocalanî reyde pêvînayîş bikerê. Ganî heqê hêvî yo ke huqûqê mîyanneteweyîyî derheqê Birêz Ocalanî de dayo, bêro caardene.''