Rayraşîyayîşo Derg ê Enternasyonalîstan o ke seba azadîya Rayberê Şarê Kurdî Abdullah Ocalanî 2017î ra nata yeno kerdene, vizêr şaristanê Baselî yê Swîsre de dîyabi destpêkerdene. 

Kurdîstanijanê Swîsre zî paştî daye rayraşîyayîşî. Raywanan çarçewa kampanyaya ''Îmraliyî rê 100 hezar kartpostalan'' de Rayberê Şarê Kurdî rê kartî şawitî.

Rayraşîyayîşî heta Merkezê Komelê Demokratîkî yê Kurdan ê Baselî dewam kerd. Dima bînaya merkezî de belgefîlmê ''Hêza'' ame mojnayene ke qala têkoşînê vera DAÎŞî keno. Bername de derheqê Fermandara YJŞyî Hêza Şengal de sînevîzyonêk zî ame mojnayene.

Bername bi deyîranê koma Merkezê Kulturê Baselî qedîya.

Enternasyonalîstî ewro do heta şaristanê Sierentzî şorê û dima Merkezê Komelê Kurdan ê Mulhouse de panelê ''Konfederalîzmê Cinîyan ê Dinya'' serûber bikerê.