Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) vera hêrişanê îşxal û qirkerdişî yê dewleta tirke yê serê Kurdîstanî 6 welayan de Rayraşîyayîşê Dergî bikerê. Ciwanî amadekarîya rayraşîyayîşî kenê.

Beşê Almanya yê Rayraşîyayîşê Dergî 29ê gulane de Dortmund de do dest pêbikero û 1ê hezîrane de Dusseldorf de biqedo. Şaristanê Essen û Duisburgî zî mîyanê plansazîya rayraşîyayîşî de yê. 

Rêxistinanê ciwanan bi eşkerayîyêka nuştekîye da zanayene ke gerîlayî vera artêşa tirke xo ver danê û ganî şarê kurdî paştî bidê gerîlayan. Ciwanan vat: ''Ma hêz û moralê xo xoverdayîşê gerîlayan ra gênê. Ma nê esasî ser o venga pêro ciwanan, kurdîstanijan û dostanê ma danê ke seba wayîrvejîyayîşê gerîlayan tewrê çalakîya Rayraşîyayîşê Dergî bibê û Kurdîstanî bipawê.''

Derheqê organîzasyonê Rayraşîyayîşê Dergî de nê agahîyî ameyî dayene:

Roja kombîyayîşî: 28ê gulane, Bornstrasse 166 44145 Dortmund, Saete: 18.00

Roja verêne: 29ê gulane-Dortmund

Roja diyîne: 30ê gulane-Essen

Roja hîrêyîne: 31ê gulane-Duisburg

Roja çarine: 1ê hezîrane-Dusseldorf