Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) seba tewrbîyayîşê Rayraşîyayîşê Dergî yê 3 rojan bi eşkerayîyêke veng da.

Ciwanan pare kerd ke ê do çarçewa Hemleya Werin Cenga Azadiyê de Almanya, Îngilîstan, Fransa, Swîsre, Swêd û Yunanîstan de bi şîarê 'Vera îşxal û îxanetî bêrê cengê azadîye' çalakîyanê Rayraşîyayîşê Dergî bikerê.

Komîteya Amadekarîye ya Rayraşîyayîşê Dergî yê Yunanîstanî eşkerayîya xo de îfade kerd ke ê do vera îşxalê dewleta tirke û îxanetê PDKyî Laviro ra heta Atina şorê.

Komîte vat: ''Rayraşîyayîşo Derg 30ê gulane de dest pê bikero, 1ê hezîrane de verê Sersefîrîya Tirkîya ya Atina de biqedo û dima ma tewrê şayîya 1ê Hezîrane ya Lavrioyî bibê. Hunermende Nûarîne zî do tewra ma biba. Ma do bi ruhê 1ê Hezîrane şorê. Ma venga pêro ciwananê Kurdîstanî danê ke wayîrê xoverdayîşê gerîlayan vejîyê û vera îxanet-îşxalî têkoşîn bikerê.

30ê gulane: Lavrio-Marco Poulo

31ê gulane: Marco Poulo-Palania

1ê hezîrane: Palania-Atina."

Îngilîstan

Komîteya Amedekarîye ya Îngilîstanî zî pare kerd ke ê do London de rayraşîyayîşî bikeerê û venga pêro ciwanan da ke bi şîarê 'Kurdîstanî bipawê' tewrê çalakîye bibê.

Roja destpêke: 30ê gulane, 654-658 Hertford Road, Enfield, EN3 6LZ, saete: 11:00

Roja diyîne: 31ê gulane, 31-33 Dalston Lane, Hackney, E8 3DF, saete: 11:00

Roja Hîrêyîne (Roja Seferberîye ya Mîyanneteweyîye) 1ê hezîrane, Beçeyê Highbury, Islington, N1 2LF. saet: 11:00''