Rayraşîyayîşê Azadîye yê 25 rojan vizêr roja 21ine de Soissons de dewam kerd. Rayraşîyayîşo ke bi coşî ame kerdene, hetê çapemenîya Fransa ra zî bi baldarî ame teqîbkerdene.

Rayraşîyayîşî ra verî girseyî îstasyonê şaristanî de govende girewte û hunermendanê TEV-ÇANDî zî bi deyîranê xo reng da Rayraşîyayîşê Azadîye.

Dima raywanan eşkerayîya xo daye. Eşkerayîye de bale ameye antene Rayraşîyayîşê Kolnî yê 17ê Sibate ser. Raywananê Azadîye Soissons de venga pêro kesan da ke 17ê sibate de biherîkê Kolnî û vat: ''Senî ke 1999 de bi se hezaran kesî herikîyabî Îtalya ganî 17ê sibate de zî pêro kurdî biherîkê Kolnî.''

Rayraşîyayîş de vilawekî ameyî vilakerdene û merşê şorişgêrî ameyî vatene.