Kuçeyê Sanatî yê Dêrsimî de rehîngirewtişê Hemşaredara Dêrsimî Birsene Orhana ke wezîfeyê ci ame xespkerdene, ame protestokerdene.

Wekîla DEM Partî Aytene Kordu çalakîye de qisey kerd. Kordu ard ziwan ke bi qeyûman îradeyê şarî yeno xespkerdene û vat: ''Nê welatî de hukm goreyê qeraranê sîyasîyan ê hukmatê AKP-MHPyî têgêreno. Darbe û xespê şima nêeşkenê verê têkoşînê ma bigîrê. Ma do çirey verê polîtîkayanê şima de milê xo çewt nêkerê. Ma do zafêr xo rêxistine bikerê û têkoşînê xo bidomnê. Ê ke xizmetê nê îqtîdarî kenê do verê edaletê raştî de bêrê muhakemekrdene û heme do verê şarî hesab bidê.''