Mustafa Koçak o ke seba ke rîyê îtîrafkerêkî ra cezaya muebetê girankerdeyî ameye ci dayene semedê hukmkerdişê adîlî  badê 90 rojan ê girevê vêşanîyê kewt rojeyê mergî 242 rojî yo çalakîya xo rê dewam keno.

Başake Kavrukera ke 28ê sibate de şîyî qay Koçakî ya derheqê ey de ajansê ma rê qisey kerd. Kavrukere ard ziwan ke rewşa weşîya ey zaf bîya girane û vat: ''Moral û hîşê ey ca de yê la weşîya ci zaf xirab a. Zaf bîyo zehîf, nêeşkeno qisey bikero. Roja verêne ya çalakî ra mudiro verên ê zîndanî Abdullah Demircî semedê bizor mudaxelekerdişî ey tehdît keno. Koçak wazeno ke heyetêko xoser ey muayene bikero la no waştiş tim yeno redkerdene. Hela  ke Mustafa Silivrî ra surgunê Şakranî bîyo seba ke sloganî eştî raştê cezaya disîplînî ameyo û tim bi nê yeno tehdîtkerdene. Tewr peynî de Mustafayî ra ameyo vatene ke do aşma adere de cezaya disîplî bikewo dewre. Eşkera venê ke ma do tîya ti qetil bikerê.''

Kavrukerê veng da dezgehanê heqanê merdiman ke wa wayîrê Koçakî bivejê û vat: ''Ma naye xo vîr ra mekerê ke ewro çîyo ke ameyo Koçakî ser siba beno ke bêro ma ser. Ewro paştayîşê Koçakî yeno manaya cumkerdişê polîtîkaya îfîtafkere ya dewlete. Na dosya de tewr peynî de do adelet bêro ca la çîyo girîn oyo ke hema ke Mustafa cayê ma de bêro ca. Ewro nameyê edaletî Mustafa Koçak o.''