Rewşa tepişteyê nêweşî yê 82 serrî Gulerî giran a
Tepişteyo neweşo giran Siddik Guler (82) terkê mergî ame kerdene. Guler dêsî ra tepişt û wina eşka şoro pêvînayîş.
Siddik Gulero (82) ke Zîndanê Îzmîrî rê surgun bîyo û lîsteya tepişteyanê nêweşanê giranan ê ÎHDyî de yo, her roje rewşa ci bena giranêr.
Keyeyê Gulerî bi wesîleya roşanê Remezanî Guler zîndan de dî. Kênaya Siddik Gulerî Ayşe Guler derheqê rewşa babîyê xo de tay agahîyî dayî.
Ayşe Guler pare kerd ke babîyê ci hucreyê 3 kesan de maneno û hema zî tedawîya ci nêameyo kerdene. Ayşe Gulerî îfade kerd ke babîyê ci nêeşkeno qisey bikero, bivîno û vîrê ci şino.
Gulere bale ante ser ke babîyê ci dêsî ra destek girewt wina ame pêvînayîşî û vist vîrî ke babîyê ci verî zî zîndanê Îskenderunî de Korona bibi.
Siddik Gulerî pêvînayîş de kênaya xo rê vato ke o têna şino warê hewagirewtişî la nêeşkeno payan ser de vindero, neçare maneno ke bi xo gijikê xo biqesno.
Ayşe Guler dîyar kerd ke babîyê ci hema nêeşkayo avûkatanê xo bivîno û venga pêro rayaumûmîye û rêxistinanê heqanê merdiman da ke wa derheqê babete de hîsger bibê.
