Wezîrê  Karanê Zereyî Suleyman Soyluyî bernameyêkê televîzyonî de îdîa kerd ke Tirkîya de îşkence çin o û Rêxistina Efû ya Mîyanneteweyî derheqê îşkenceyî de 4,5 serrî yo ê şîyar nêkerdî.

Rêxistina Efû ya Mîyanneteweyî hesabê xo yê medyaya dîjîtale ra cewab da Soyluyî. Rêxistine pêro rapor, vengdayîşê xo, planê lezabezî yê vera îşkence û kerdişanê xiraban eşkera kerdî.

Rixmê îdîaya Soyluyî Rêxistina Efû vist vîrî ke înan raporê derheqê îşkenceyê vera Servet Turgut û Osman Şîbanî de, raporê vera îşkenceyê serê wendekaranê Bogaziçi de, vengdayîşo lezabez ê seba Gokhan Turkmen û Mustafa Yilmazî, raporê vera kerdişê xirabî yê vera wendekaran hesabê xo de vila kerdî ke verî zî hukmatî ra pêşkêş kerdbi.