Semedê pêvînayîşê Rayberê Şarê Kurdî Abdullah Ocalanî û tepişteyanê bînan Hamîlî Yildirim, Veysî Aktaş û Omer Hayrî Konarî yê ke Îmrali de yê, 10ê temmuze de Dadgerîya Înfazî ya Bursa rê muracat ame kerdene.

Dadgerîya ke 18ê temmuze de muracat red kerd, vat derheqê Rayberberê Şarê Kurdî Abdullah Ocalanî û hîrê tepişteyanê bîna de yê ke hîrê serrî yo merdiman û avûkatanê xo reyde pêvînayîş nêkenê, 'cezaya dîsîplînî' ya newî est a.

Dadgerîya ke qerar 19ê temmuze da avûkatan rê da eşnawitene nêva ceza qey û çiwext ameya dayene.

Rayberê Şarê Kurdî Abdullah Ocalanî ra 25ê adara 2021yî ra nata qet xeberêke nîna girewtene.