Mudirê Karanê Nuşteyî yê Rojnameyê Xwebûnî Mehmet Alî Ertaş pa 15 rojnamegeranê bînan 16ê hezîrane de tepişîyabi. 

Mektubo ke Mehmet Alî Ertaşî rojnameyê Yenî Yaşamî rê şawito, reyna 'bitehluke' ame dîyene û dest nîya ser. Ertaşî mektubê xo yê bi kurdkî de qala bêhuqûqîya vera tepişteyan kerda û mektub şawit nuştoxê rojnameyî Huseyîn Aykolî.

Ertaşo ke zîndanê Amedî de tepişîyeno, verî zî rojnamegere Eyleme Akdag rê mektub şawitbi û reyna dest nîyabi mektube ci ser.