Riha de endamê Meclîsê Ciwanan ê DEM Partî Muhsin Aydogdu û Omer Kistak ê ke çar rojî verî çarçeweya cipersayîşê Serdozgerîya Komere ya Riha sereştişê keyeyan de ameybî destbendkerdene ameyî tepiştene.

Wird ciwanê ke bi îdîaya "Endamîya rêxistene" ameyî destbendkerdene ewro sewqê edlîye bîyî. Ciwanan ra Muhsin Aydogdu edlîye de slogana "Serkewtiş do bibo yê şarê kurdî yê xoverdayoxî" eşte. Naye ser o polîsan o derb kerd.

Ciwanî edlîye de xeylêk wext bi peykî kelemçekerde mendî. Badê îtîrazê avûkatan kelemçeyî ameyî akerdene. Aydogdu û Kistak seba ke tewrê eşkerayîyanê çapemenîye û aktîvîteyan bîyî sûcdar ameyî vînayene, ameyî tepiştene û ameyî berdene Zîndanê Hilvanî.

Ciwanan ra Zozane Polat û Mahmut Çoban zî hetê serdozgerîye a bi şertê kontrolê edlîyî ameyî veradayene.