Zîndanê Riha de tepişte Mehmet Yilmazê 25 serrî bi hawayêkê şikdarî dinyaya xo bedilnaye. Îdareyê Zîndanî îdîa kerd ke Yilmazî 24ê temmuze de robar de xo kişto.

Cenazaya Yilmazî cigêrayîşê cayê serebûtî ra dima wedarîyaye morgê  Mudirîya Dezgehê Tipê Edlîyî (ATK) ya Riha.

Zîndananê Tirkîya de serranê peyênan de qirkerdiş û binpaykerdişê heqanê tepişteyan zaf zêdîyayî. No hewte Yilmazî ra ber Zîndanê Amedî de tepişte Kadrî Ekîcî (25) hucreyê xo de dinyaya xo bedilnabî. Îdareyê zîndanî reyna îdîa kerdbi ke ey xo kişto la keyeyê Ekîcîyî pare kerd ke lajê înan ameyo înfazkerdene.

Goreyê doneyanê ÎHDyî mabênê 2021-2022yî de zîndananê Tirkîya de 87 tepişteyan dinyaya xo bedilnaya ke nînan ra 17ê ci 'mergê şikdarî' yê.