Bi wesîleya 1ê Êlule Roja Haştîye ya Dinya xeylêk bajaranê Kurdîstan û Tirkîya de çalakîyî ameyî kerdene.

Dêrsim de Hêzanê Kede û Demokrasîyî Meydanê Seyîd Rizayî de eşkerayîye daye. Eşkerayîye hetê Hemsereka HDPyî ya Dêrsimî Nurşate Yeşîle ra ameye wendene. Yeşîle bale ante şewato ke bi rojan o Dêrsim de dewam keno ser vat: ''Rîyê şeran ra xoza û cuya şaran serûbin benê. Ganî vera polîtîkayanê şerî ma vengê xo berzêr bikero.''

Reyna xeylêk bajaranê Kurdîstan û Tirkîya de bi wesîleya 1ê Êlule şaran û dezgehan eşkerayîye daye waştişê haştîye ard ziwan. Eşkerayîyan de ame waştene ke wa tecrîdê serê Rayberê Şarê Kurdî Abdullah Ocalanî û tepişteyanê bînan bêro wedaritene ke meseleya kurdî bêro çareserkerdene.