Denîz Kaya nameyê tepişteyanê dewaya PKK û PAJKî ser o eşkerayîyêka nuştekîye daye.

Eşkerayîye wina ya:

''Ma verî Rayber Apoyo ke serra 23. de Zîndanê Îmraliyî de xoverdayîşê xo yê bêhempayî rê dewam keno, gerîlayanê ke vera dişmenê kolonyalîstî têkoşîn kenê, şarê ma û dostanê ma selam kenê. Ma şehîdanê Şorişê Kurdîstanî bi minet û rûmetî yad kenê, soz danê ke ma vîrameyîşanê înan pê serfîrazî tacîdar bikerê.

Seke zanîyeno îtîfaqo faşîst ê AKP-MHPyî serra 2015î ra nata pê planê çinkerdişî vera şarê kurdî û destkewteyanê ci polîtîkaya îmhakerdişî ano ca. Sere de Rayber Apo, şar û têgêrayîşê ma têkoşînê pawitişê estbîtayîşê xo rê dewam kenê. Xoverdayîşê gerîlayan Zap, Metîna, avaşîn de derbanê giranan dano dişmenî ro û hêvîya serfîrazîye, qerardarîye û bawerîya cuya newîye awan keno.

Ganî nê prosesî de ke dişmen xeylêk teng bîyo û derbanê giranan weno PDK wazeno dişmen bixelisno. No nêzdîbîyayîşê PDKyî nêno qebulkerdene û wa kes nêvajo ma do vera ci bêveng bimanê. Yew eleqeyê nêzdîbîyayîşî bi kurdayetîye, erjanê Kurdîstanî, welatperwerîye, exlaqê komelkî û wijdanî çin o û ney de israr yeno manaya îxanetî.

Ne ma ne zî şarê ma parçeyanê Kurdîstanî de şerê zereyî yê kurdan qebul nêkenê. Verî ke erey bibo ganî PDK tewirêkê zelalî pêşkêşê rayaumûmîya kurdan bikero. Eqsê ci mayê ke vera hêrişanê îşxalî yê dewleta tirke xo ver danê, do  vera nê îxanetî zî xoverdayîşêkê pîlî bikerê.

Ma venga şarê xo danê ke vera rewşa ke destkewteyan do pûç bikera û xizmetê dişmenê kurdan bikera ganî vejîyo meydanan û nêrazîbîyayîşê xo bimojno. Ganî nuştox, hunermend, roşnvîr, cinî, ciwan û sîyasetmedarê Kurdîstanî seba afernayîşê xeta xoverdayîşî rayberîye bikerê, vera îxanetî bibê wayîrê tewirêkê zelal û eşkerayî. Ganî şarê ma yê Başûrê Kurdîstanî îxanetêkê winasênî qebul nêkero. Roje roja paştdayîşê xoverdayîşî ya. Roje roja qebulnêkerdişê îxanetî û roja qesasî ya. Roje a roj a ke ma vera dişmenî dormeyê ê kesanê ke bi fedayîtî welatî xo pawenê de bêrê yewca.''