Roja pancşemeyî ra nata sînemagerê kurdî Suphî Orhanî ra xeberêke nêna girewtene.

Orhanî roja pancşemeyî saete heşt û nêman de embazêkê xo yo muzîsyen berd Meydanê Teyarayan ê Adnan Menderesî yê Îzmîrî. Orhanî embazê xo ra xatir waşt û şi. Ê çaxî ra nata Orhanî ra xeberêke çin a.

Keyeyê Orhanî Mudirîya Polîsan a Îzmîrî ra pers kerd ke ameyo destbendkerdene yan nê. La mudirîye înan rê vato ke keso winasên nêameyo destbendkerdene.

Keyeyê Orhanî do bi rayîrê avûkatanê xo seba cigêrayîşê ey muracat bikero.