Rojnamegerî Sedat Yilmaz û Dîcle Muftuoglu yê ke operasyonanê qirkerdişê sîyasîyî de ameybî destbendkerdene, tepişîyayî. Yilmazî vat: ''Sîstemê çeteyan 10 rojan ra dima qedîyeno. No sîstem do birijîyo.''
Hemsereka Pêroyî ya DFGyî Dîcle Muftuoglu û Edîtorê Ajansê Mezopotamya (MA) Sedat Yilmaz pa 17 kesan ameybî destbendkerdene. 19 kesî sewqê Hakîmîya Cezaya Sulhe ya Anqara ameybî kerdene.
19 kesan ra rojnamegerî Sedat Yilmaz û Dîcle Muftuoglu, Erol Balci, Abdurrahîm Tanyelî û Ramazan Debe tepişîyayî. Cinîya Yilmazî Selma Yilmaz, Cahît Kanbay, Cîhan Guneş, Îsmaîl Adanmiş, Cahît Ablay, Mahmut Dogu, Devran Ak, Şemsettîn Toprak, Mehmet Emîn Yildirim û Cevdet Îsmaîlogullari, Hasan Ozhan, Evîne Ozbek û Suat Karagoz bi şertê kontrolê edlîyî û qedexeyê teberwelatî vera dîyayî.
Sedat Yilmazî verê berê mehkeme de vat: ''Sîstemê çeteyan 10 rojan ra dima qedîyeno. No sîstem do birijîyo.''
