Mûsnayoxê Unîversîteya Perugia û profesorê huqûqî yê Qanûnî Mauro Volpî, hetkarê serekê Mehkemeya Qanûnî Paolo Maddelena, serekê Odeya Mehkemeya Berze Domenîco Gallo, avûkatê Ocalanî Luîgî Saracenî zî tede komêka akademîsyen û roşinvîran hemverê tecrîdî de deklarasyonêk weşana.

Deklarasyon de nê ameyî vatene:

“Rayberê têgêrayîşê neteweyî yê Kurdan Abdullah Ocalan Sibat a 1999 ra nata Tirkîya de tepişte yo. Wexto ke ameyo tepiştene ra nata Ocalan mîyanê tecrîdî de yeno girewtene û hemverê ê de muameleye qicfînayîşî yenê kerdene. No nizdbîyayîş verê her çîyî hemverê Peymana Ewropa ya ke heqanê merdiman pawena yo.

Parlamentera HDP’yî Leyla Guvene 7’ê Teşrîna Peyêne ra grevê vêşanîye de ya. Waştişê aye qedînayîşê tecrîdê serê Ocalanî yo. Rayberê şarêk o naskerdene eşkeno vernîya demokrasîyî û aşitîya Rojakewtena Mîyanêne akero û rayîrê sîyasetî xurt kero.

Multecîyo sîyasî yo Kurd Erol Aydemîr zî 20’ê Adare ra nata grevê vêşanîye de yo. Heta nika hukmat û sazîyanê Ewropa bi hawayêkê xurtî derheqê grevanê vêşanîye de çîyêk nêkerdo.

Ma huqûqnas, merdimanê ke seba heqanê merdiman xebetênê, hukmatanê neteweyîyan, Yewîya Ewropa û organanê Konseya Ewropa ra û xusûsen zî Komîteya Vernîgirewtişê Îşkenceyî (CPT) ra wazenê ke seba Abdullah Ocalan bieşko avûkatan û keyeyê xo dir pêvînayîş virazo wa wezîfeyo ke keweno milê înan bica bîyarê, hemverê dewleta Tirkî de tavilî û bi qerardarîye bikewê mîyanê têgêrayîşî.”