Xeylêk sûrîyeyîjî seba cuyêka hîna bihêvîye koçê Rojawanê Kurdîstanî kenê. Salîh Hisên Xidir zî nînan ra yew o ke şaristanê Hama yê Sûrîye ra yo. Salîho ke 57 serre yo û babîyê 8 domanan o karê serayan keno. O Kooperatîfê Zîretî de cinî û kênaya xo reyde xebitîyeno.

Salîhî da zanayene ke o 1998  de Tartus de cabîyoo la  bombardumanan ra dima kampêka  Îdlîbî de cabeno. Salîhî vat: ''Lajêkê mi Rojawan de bi. Ma şertanê kampe ra 2015 de ameyî Rimêlan, Rojawan. 2016 ra nata ez serayan de xebitîyena. Seba ke tîya de cuyêka aram û asayî est a ma ameyî tîya. Bi serayan Rojawan de îthalat kêmîya. La ganî karê serayan hîna bêrê averberdene. Ma bi karê serayan şarê xo rê bi erjanî meywe û sebzeyan resnenê.''

Salîhî îfade kerd ke keyeyê ci zî Rojawan de pê rewşa xo kêfweş o û vat: ''Ma gêrayêne cayêkî ke tede nefes bigêrê. Rojawan de ma no dî. Seba asayîşê domananê xo ma Rojawanî ra holêr cayêk nêdî. Ma nê kooperatîfî de 6 keyeyan xebitîyenê û bi paştdayîşî cuyêka arame domînenê.''