Qezaya Samandagî ya Hatayî de merdimanê ke Erdlerzê 6ê Sibate de dinyaya xo bedilnabî, ê serrgêra yewine ya erdlerzî de bi hawayêkê girseyî ameyî yadkerdene. Wextê zîyaretê Goristanê Asrî Çîgdede de Hemsereka DEM Partî Tulaye Hatîmogullari keyeyanê qurbanan de ronişte. 

Tulaye Hatîmogullari vat: ''Erdlerz de zerrîya her kesî vêşaye. La wexto ke qurbanî  nas û dostî benê zerrîya merdimî hîna zaf vêşena. Ma do înan xo vîr a nêkerê, nêdê vîrakerdene. Ma do her ca de têkoşîn bikerê û nê şaristanî newe ra înşa bikerê.''

Roniştoxanê Samandagî goristanî, Kuçeyê Ahmet Yesevîyî ra heta Kuçeyê Nîle rayraşîyayîş kerd.

Rayraşîyayîş de bi ziwananê erebkî, kurdkî û tirkî pankarta 'Ma do vîr a nêkerê, efû nêkerê û hesab bipersê'' ameye akerdene.

Rayraşîyayîş de sloganê sey ''Hetkarîyî destê dizdan de yê'', ''Hukmato ke xeyman roşeno wa îstîfa bikero'', ''Hukmat do hesab bido'', ''Ma nêşorê, tîya de yê'' ameyî vatene.