Hemserekê Pêroyî yê HDPyî Mîthat Sancarî pê rayîrê telefonî keyeyêkî reyde qisey kerd ke domanê keyeyî qezaya Nisêbînî ya Mêrdimî de bi hedefê polîsan. Sancarî babîyê domanî Mehmet Erdalî reyde qisey kerd û îfade kerd ke ê hetê keyeyî de yê.

Sancarî derheqê serebûtî de vat: ''Ma do nê serebûtî nêzdî ra teqîb bikerê. Eşkerayîya walîtîye ya derheqê serebûtî de cîdî nîya, înan xîret kerd ke serebût mîyan bikerê.Serebûtî ra 20 rojî vîyartî û dima ke dîmenê serebûtî eşkera bîyî Walîtî û Asayîşî xîret kerd ke serebût mîyan bikero. Walîtî eşkerayîya xo de seba domanan vana 'kerrayî eştî' û bi nê hawayî nefret û hêrişê xo rê bahane vînena. Serrêka winasêne de eştişê kerrayan ganî nêno bahaneya nefret û hêrişan.

No hêriş vera nasnameyê kurdan zî ame kerdene. Hîşmendîya nê îqtîdarî nefret û hêrişê vera kurdan zêdêr kerdî. No nefret bi taybetî benê sebebê hêrişê vera cografyaya kurdan û domananê kurdan. HDP seba ke verê nê nefretî bigêro têkoşînê xo dewam bikero.''

Babî Erdalî derheqê serebûtî de zanayîş da Sancar û ard ziwan ke domanî hêrişî ra dima zaf recifîya û tersa. Babî Erdalî her kesî rê sipas kerd ke bala xo daye nê serebûtî ser û waşt ke nefret û hêrişê vera Kurdîstanî biqedê.