Hemserekê Pêroyî yê HDPyî Mîthat Sancarî kombîyayîşê Heyetê Rayberdişê Merkezî (MYK) yê HDPyî ra dima eşkerayîyêke daye çapemenîye û rojdem ercna.

Sancarî bi kilmî qala nê çîyan kerde:

''Ekonomîya welatî rijîyaye ke no krîz sebebê polîtîkayanê îqtîdarî ra yo. Ma hamnan de şarî, esnafan û kedkaran reyde xeylêk kombîyayîşî kerdî. Ma dî ke tablo zaf xirab o. La rejîmo tekperest û terefgîrê ci wazenê  kedkar, bindest û xizanî bedelê nê tabloyî bidê. Vurîyayîşê dowîzî zerarêkê pîlî dano şarî. Berhemî yenê sînorkerdene, fîyatî her roje vurîyenê. Ma sey HDPyî semedê çareserîya nê krîzî kombîyayîşê xo kerd. Ma tay birî girewtî. Ma do birê xo rayaumûmîye reyde pare bikerê.

Çimeyê ke îqtîdarî dayî şer, terefgîranê xo û rantî welatî vêşnenê. Ma wazenê bivisnê vîrî ke ma hê krîzê komelkî de têrî yê. Ganî no îqtîdar cade îstîfa bikero û weçînayîş bêro kerdene. Eke serekkomar îstîfa nêkero û weçînayîş nêro kerdene ganî partîyê muxalefetî wezîfeyê xo bîyarê ca. Ma venga partîyanê muxalefetî danê ke wa bêrê, ma pîya cade vernîyazê weçînayîşî pêşkêşê Meclîsî bikerê. Wa Meclîs cade têbigêro.''