Hemserekê Pêroyî yê Partîya Demokratîke ya Şaran (HDP) Mîthat Sancarî kombîyayîşê grûbe yê partîya xo de qisey kerd.

Sancarî bi wesîleya serrgêra şehdadetê ci bi yadkerdişê Yaşar Kemalî dest pê qiseykerdiş xo kerd. Qiseykerdiş Sancarî ra beşêk wina yo:

Wa kurdkî bibo ziwano fermî

''Ziwanê dayîke anor û estbîyayîşê şarî yo. Ma semedê nayî kampanyayêke daye destpêkerdene. Waştişê ma oyo ke wa kurdkî bibo ziwano fermî, sey ziwanê perwedeyî bêro qebulkerdene. Ganî sere de kurdî îmza bidê na kampanya la têna kurdî nê ma veng danê ke heme şaranê bînan zî wa paştî bidê na kampanya.

Darbeya 2ê Adare

Pê Darbeya 2ê Adere ame waştene ke verê sîyasetê kurdan bêro girewtene. Bado ke înan DEPijî tepiştî û partîye qefilna  eynî tradîsyon game bi game pîlêr bi. Ewro zî wazenê şexsê HDPyî de îradeyê şarê kurdî û heme şaranê bindestan bifatisnê. Ê se kenê wa bikerê nêeşkenê ma bitersnê. Ma tarîtîye ra hîna pîlêr vejîyenê. Ferqê îqtîdarê ewroyî û îqtîdarê ke Darbeya 2ê Adare kerde çîn o. No îqtîdar înan ra zafêr pê xirabîye sîyaset keno. Rixmê heme hêrişanê înan ma wayîrê mîrasê xoverdayîşî vejîyenê. HDP qerardar rayîrê xo rê dewam keno, do rayîrê xo bi pîlbîyayîşî dewam bikero û wexto kilm de îdareyê welatî rê bibo pardar. Wa nayî wina bizanê.

Hêrişê vera HDPyî

Ewro zî ma pê xebara destbendkerdişî aye bîyî. Hemşaredarê Karaçobanî yê Erziromî ame destbenkkerdene. Ma zanê dewamê ci de çi esto. Qeyûm do bêro cakerkerdene. Îqtîdaro ke serrgêra 28ê Sibate de vatêne ê mexdurê darbeyanê,  îqtîdarê 28ê Sibate ra xirabêr karan keno. Pê hêrişan wazenê ke HDPyî tehin bidê teberê sîyasetî. Vera partîya ma merkezê propaganda dewre de yo. 7 rojî 24 saetî vera ma falîyetî yenê kerdene. Hende aver şîyî ke hînî têna partîye nê êyê ke rey danê ci înan zî tehdît kenê.

Dişmenê şarê kurdî yê

Îdarekarê AKPyî vejîya vat 'nalet bêro reyanê înan, hûma belayê reyanê înan bido.' Dima ke zaf nêrazîbîyayîşî ameyî vano 'beno ke vatişê mi biney aver şîyî.' Ozrê ci qebahatê ci ra pîlêr o.  Na dişmenîya vera HDPyî nîya. Dişmenîya vera şarê kurdî ya. Ê têna partîyêke rê nê kurdan û êyê ke pîya bi kurdan mucadele kenê înan rê dişmenîye kenê. Ma AKPyî ra persenê şarî rê nalet wendiş normal o? Serrekkomarî ra heta îdarekaranê AKPyî her kes mecburo ke cewabê nayî bido. Eke şima cewab medê. Şima zî ê çekuyan tesdîq kenê. Şima ganî şar û ma ra ozrê xo biwazê.  Hêrişê vera HDPyî hêrişê vera hêvî û hedefî yê coka ma venga her kesî ke hetê edalet û demokrasîyî de yê danê ke ma bibê yew û pîya nê zulmî rê vajê hînî bes o.

Krîzo ekonomîk

Na herra bereketine semedê kedkeran bîya cehenem. Her roje zem esto. Vayîye ra şar nêeşkeno vejîyo teber. Xora esnafê ke şertanê pandemî de bîyî mexdur derê înan koyan ra ravêrtî. Esnafî, kedkarê ke ereqê çareyî rişnenê nêeşkenê nanêk bêrê keyeyê xo. Menge de 9 hezar esnafî kepeng qefilnenê. Ganî paştî bidîyo esnafan. Eke wina nêbo facîa bena pîl. Hêrişî zêdîyenê. Hende guneyê girdî kerdî ke zanê ke eke îqtîdar de bimanê eşkenê înan binimnê. Ma do heqîqet tim bîyarê ziwan. Eke wina qerardar, sereberz mucadeleyî rê dewam bikerê ma do nê welatî rê wisar biyarê. Wisar do pê ma bêro.''