HDPyî kongreya 4. ra dima Kombîyayîşê Grûba Meclîsî yo verên kerd. Hemserekê HDPyî Mîthat Sancarî kombîyayîş de qisey kerd û tay ercnayîşî kerdî.

Ercnayîşanê Sancarî ra beşêk wina yo:

''Ma têna bi têkoşînê vera ey nê îqtîdarê gemarinî ra xelisîyenê. Bêrê ma pîya îtîfaqê demokrasîyî awan bikerê, bibê yew. Ma erjanê bingeyînan ser o muneqeşa bikerê û seba welatî rayîrêkê neweyî bivînê. Ma pîya û têduşt yew rayîr bigêrê.

Îdlîbî ra hema zî xebera mergî yena. Ganî ma vera nê şerî bi vengêkê berzî vaje ney. Eke şerêk dest pêbikero reya verêne feqîrî bin kewenê. 

Multecîyî, koçberî zî bi hawayêkê tewr giranî bedelanê şeran danê. Nê merdimî neçare manenê ke keyeyanê xo biteriknê. Krîzê multecîyan krîzê merdimîye yo. Gereka ma vera nê krîzî têgêrayîşêkê şarî yê xurtî awan bikerê.

Êyê ke multecîyan ser o bazarîye kenê û êyê ke multecîyan ser o guleyan varnenê bêwiijdanîye kenê. Pêr Ewropa ganî seba multecîyan beranê xo abikerê. Ganî fonêko mîyanneteweyî bêro awankerdene ke hewcedarîyê nê merdiman peyda bibê. Krîzê multecîyan seba merdimîye şermêk o.''