Nuştoxê romananê polîsîye yê almanî û huqûqnas Heinz Jurgen Schneiderî derheqê qesawetê serê weşîya Rayberê Şarê Kurdî Abdullah Ocalanî de ANFyî rê qisey kerd.

Heinz Jurgen Schneiderî da zanayene ke o cara tecrîdê Îmraliyî wextêkî ra nata nêzdî ra teqîb keno. Heinz Jurgen Schneiderî vist vîrî ke hukmatê Almanya wextêk seba muxalîfê rûsî Andre Nawalnyî têgêrabi û nika reyna eşkeno heman çi seba Abdullah Ocalanî bikero.

Heinz Jurgen Schneiderî venga Merkele da ke wa Rayberê Şarê Kurdî Abdullah Ocalan bêro ardene Berlin û tedawîkerdene. 

Heinz Jurgen Schneiderî waşt ke wa Almanya seba ke tepişteyê sîyasîyî vera bidîyê dewleta tirke rê teda bikero û vat: ''Eke wina nêro kerdene o çax Almanya babeta Nawalnyî de dirîye kerda.''

Heinz Jurgen Schneider avûkato verên û nuştoxê romananê polîsîye yo. Heinz Jurgen Schneider komêka huqûqnasan reyde 2011 de gerreyê Erdoganî û selahîyetdaranê Tirkîya kerdbi ke wa nê kesî  bêrê tepiştene. La gerreyê înan nêame qebulkerdene.