Meclîsê Ciwanan ê HDPyî yê Îstanbulî seba Hakan Arslano ke esteyê ci 7 serran ra dima zereyê yew tewreyî de teslîmê babîyê ci ameybî kerdene, bi meşaleyan çalakîya rayraşîyayîşî kerde.
Meclîsê Ciwanan ê HDPyî yê Îstanbulî seba Hakan Arslano ke esteyê ci 7 serran ra dima zereyê yew tewreyî de teslîmê babîyê ci ameybî kerdene, bi meşaleyan çalakîya rayraşîyayîşî kerde û vera metodê teslîmkerdişê esteyan nêrazîbîyayîşê xo mojna.
Ciwanan çalakîye de pankarta 'vera qirkerdişan ver bi meydanan' akerde û sloganê sey 'Şehîdî nêmirenî' vatî. Çalakîye de Agîd Îpeko ke cenazaya ci pê kargoyî erşawîyabî û Sîtî Karataya ke cenazaya ci zereyê kutuye de dîyabî keyeyê ci ameyî yadkerdene.
Ciwanan eşkerayîya xo de vat ke dewleta tirke vera merdeyanê kurdan zî şer kena û merdeyanê kurdan ra zî tersena. Ciwanan pare kerd ke heta ke hesabê nê kerdişan bipersê ê do têkoşînê xo pîlêr bikerê.
