Şaristananê St. Gallen, Darmstadt  û Saarbruckenî de çarçewa Hemleya 'Abullah Ocalanî rê Azadîye, Meseleya Kurdan rê Çareserîya Sîyasîye' de seba azadîya Rayberê Şarê Kurdî Abdullah Ocalanî çalakîyî ameyî kerdene.

Şaristanê St. Gallenî yê Swîsre de serkêşîya TCŞ û TÊKO-JIN de kurdîstanijî bi meşaleyan rayîr a şîyî. Çalakîye de sloganê sey "Bijî Serok Apo", "Jin, jiyan, azadî" û "Dîktator Erdogan" ameyî vatene. Qiseykerdişan de bale ameye antene ser ke tecrîdê Îmraliyî her ke şino beno giranêr û vera ney kurdî do têkoşînî ra fek vera nêdê.

Şaristanê Saarbruckenî yê Almanya de serkêşîya YJK-E de çalakîya xeyme ameye kerdene. Çalakîye de bale ameye antene tecrîdkerdişê Rayberê Şarê Kurdî abdullah Ocalanî ser. Çalakîkeran zî vilawekî vilayê şarî kerd.

Şaristanê Darmstadtî yê Almanya de zî bi eynî waştişî çalakîya xeyme ameye kerdene. Çalakîye de derheqê felsefeya Ocalanî û şertanê Îmraliyî de vilawekî ameyî vilakerdene.