Temsîlkarê Têgêrayîşê Kaldiraçî Hakan Dîlmeçî ANFyî rê qisey kerd û pare kerd ke kodê ronîyayîşê Komara Tirkîya înkar û îmhaya şaran, redkerdişê keda karkerdan û vera komunîzmî virazîyayê.

Dîlmeçe da zanayene ke tay beşê komelî yê ke xo sey çepgîr û sosyalîstî hesibnenê wexto ke nêeşkenê xo Kemalîzmî ra cîya bikerê mîyanê kemalîzmî de gêrenê 'hetan averşîyayeyan.' 

Dîlmeçî ard ziwan ke averşîyayîşê şorişê kurdan û tesîrê têkoşînê azadîye yê kurdan têkoşînê şaranê bînan ra zêdeyer asayî û vat: ''Têgêrayîşê azadîye yê kurdan destpêkê 1990an de lez da têgêrayîşê şorişgêrî yê anataloi û wirdî pîya pîl bîyî. Netîceya ke HDPyî weçînayîşanê 7ê hezîrane de vistbî destî sey nîşaneya Xoverdayîşê Gezî û Kobanê hêvîye daye her kesî. Awankerdişê rejîmê Qesre yê ewroyînî o çax dest pêkerd.''

Dîlmeçî dîyar kerd ke ancax bi çinkerdişê sîstemê dewlete yê nikayênî demokrasî mumkîn bena û vat: ''Wexto ke ma qala demokrasî, cuya azade, wayûbiratîye û têdûştîye bikerê Komara Tirkîya do mîyanê rîpelanê gemarinan ê tarîxî de bimana. O çax şarê Anatola û Mezopotamya yê qedîmî, karker, kedkar û bindestî do dest pê cuya têdûşt û azade bikerê.''