Avûkat Cemal Demîrî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Demîrî pare kerd ke 30 mengî yo Abdullah Ocalanî ra xeberêke nêna girewtene û vat: ''Buroyê Huqûqî yê Asrinî 437 reyî muracatê Serdozgerîya Komare ya Bursa kerd la bêcewab mend. Tay muracatî zî bi bahaneya 'cezaya dîsîplînî' ameyî redkerdene. Na bahane huqûqî nîya. Abdullah Ocalan tepişteyêko normal nîyo. O şarê kurdî rê tesîr keno û wayîrê perspektîfê haştîye yo. Xeylêk reyî îsbat bi ke fikr û qiseyê Ocalanî çend raşt û lazim ê. Coka seba haştîya şaran ganî cade peynîya tecrîdî bêra ardene. Hesasîyetê şarê kurdî seba rewşa Ocalanî zaf o.''

Demîrî îfade kerd ke seba qedînayîşê tecrîdî mesuldarî kewenê milê dezgehanê mîyanneteweyîyan û vat: ''CPT ge ge zîndananê Tirkîya zîyaret keno la qetî şertanê Îmraliyî ser o eşkerayîyêke nêdano. Mekanîzmaya huqûqî ya mîyanneteweyîye zî bîya parçeyêkê tecrîdê Îmraliyî. Ma venga rayaumûmîya demokratîke ya neteweyî û mîyanneteweyîye danê ke Abdullah Ocalanî rojdemê xo ra nêvejê. Abdullah Ocalan seba haştîya Rojhelatê Mîyanneteweyî temînat o. Fikrê ey seba haştîye lazim ê. Ma venga îqtîdarî zî danê ke wa peynîya tecrîdî bîyaro û pêvînayîşê bi keye û avûkatan bêrê caardene.''