Endamê Komîsyonê Zîndanan ê Komeleya Huqûqnasan a Moderne (ÇHD) avûkat Naîm Emînogluyî derheqê heqê hêvîye de ANFyî rê qisey kerd.

Emînogluyî vist vîrî ke zîndanan de xeylê tepişteyê ke cezaya muebeda girankerde dîyaya nînan est ê û no bi xo binpaykerdişê heqê hêvîye yo. Emînogluyî vat: ''Heqê hêvîye bi bira Mehkemeya Heqanê Merdiman a Ewropa kewta rojdemê ma. No heq yeno a mana ke tepişteyî bi serran ganî zîndan de nêmanê. No heq heyf ke welatê ma de nêno caardene. 

Qanûnê vera terorî de vano ke tepişteyê nê qanûnî heta ebedî- heta mergî zîndan de bimanê. Tepişteyê sîyasîyê ke bi nê qanûnî muhakeme bîyê bi nê hawayî zîndan de tepişîyenê. Ganî no qanûn bêro vurnayene ke heqê tepişteyan binpay keno. La rejîmo nikayên seba ke Rayber Apo nînan ra îstîfade nêkero heqê hêvîye yê pêro tepişteyan asteng keno. 

Binpaykerdişê heqê hêvîye beno sebebê tecrîdî zî. Yanî çinhesibnayîşê heqê hêvîye beno sebeb ke wextêko derg tecrîd bêro caardene. Seba ke no heq bêro caardene ganî rejîmê înfazî yo girankerde bêro vurnayene.''