Destûr nêdîya ke Wekîlê Danîmarka Soren Sondergaardo ke çimdarê Rêxistina Hemkarî û Qewimîyayîşanê Ekonomîkan (OECD) o, seba ke QSD zîyaret kerdo çimdarîya weçînayîşanê 14ê gulane bikero.

Wekîla Yewîya Sosyalîste Soren Sondergraadî derheqê babete de televîzyonê Danîmarka TV2yî rê vat: ''Anqara mi pê 'propagandaya rêxistinêka terorî' sûcdar kena.''

Dîya zanayane ke seba ke Sondergraadî QSD zîyaret kerdo Anqara verê çimdarîya ey gêna. Sondergraadî vat: ''Raşt o ke ez şîya zîyaretê QSDyî ke vera DAÎŞî şer keno û ez pê ney sereberz a.''

Soren Sondergaardî eşkera kerd ke OECDyî bi hawayêkê fermîyî gerreyê Anqara kerdo û vat: ''Weçînayîşê Tirkîya benê sebebê şikî. Aseno ke îqtîdarê Tirkîya wazeno weçînayîşan bikero binê  kontrolê xo.''