Kanûna 2021î Samsun de sereştişê keyeyî de Emîr Karakum amebi tepiştene û 10 mengan bi sûcdarîya 'endamîya rêxistine'  ra 10 mengan zîndan de mend. Karakumî ANFyî rê qala rojanê zîndanî kerde.

Karakum zîndan de bi hawayêkê sîstematîkî raştê îşkenceyî ame. Karakumî vat: ''Destpêk de janê Korona ra Zîndanê Samsunî 12 rojan ez hucre de mena. Dima ez ameya berdene bi koxûşî û tîya de tim mi rê îşkence ame kerdene. Gardîyanan tim dayêne mi ro. 31ê kanûne de ez surgunê Zîndanê Bafra bîya. Bafra de hêverî mi rê îşkenceyê cigêrayîşê rûtî ame kerdene, dima gardîyanan hêrişê mi kerd. Îşkenceyî ra dima ez şîya revîrî. 30 gardîyanî zî mi de kewtî odaya revîrî. Mi waşt ke qa gardîyanî vejîyê teber. La hetê doktorî de 20 gardîyanan ancî îşkenceyê mi kerd.

Derheqê îşkenceyî de mi bi rayîrê keye û avûkatanê xo çend reyî muracat kerd zî tira netîce nêvejîyaye. Tedayan ra mi dest pê grevê vêşanîye kerd. Roja 113. ya grevî de ez vera dîya. Nika zî seba ke mi gerreyê îşkenceyan kerd derheqê mi de 4 dewayî ameyî akerdene.  Herinda îşkencekeran de ez yena muhakemekerdene.''