Sîyasetmedare Gultane Kişanak bi bahaneya çalakîyanê Kobanê yê 2014î amebî tepiştene. Rixmo ke cezaya ci qedîyaya Kişanake vera nêdîyena. Keye û avûkatanê aye seba ke Kişanake vera bidîya muracatê Mehkemeya Cezaya Girane ya MQByî kerd.

Muracatî ra dima Endama Komîsyonê Huqûq û Heqanê Merdiman ê HEDEPî Severale Ballikaya, keye û avûkatanê Gultane Kişanak derheqê babete de eşkerayîyêke daye.

Avûkatan ard ziwan ke Kişanake wexto ke Hemşaredara Amedî bîya bê delîlan û bi îdîayan ameya tepiştene û bi nê hawayî îradeyê şarî zî ameyo xespkerdene. 

Avûkatan da zanayene ke ganî Kişanake vera bidîya û venga MQByî da ke derheqê babete de bira tedbîrî bigêro.

Avûkatan vist vîrî ke Dewaya Kobanê dewayêka şantajî ya û huqûq de cayê ci çin o.

Endamê HEDEPî Kerem Firtina zî pare kerd ke ganî Kişanake vera bidîya û binpaykerdişê heqan cade biqedê.