10 Hezîrane ra tepîya verê awe Awbendê Ilisûyî ya ke Hesenkefî bine awan verdana bêra girewtene.

Cehkerdişê Ciwîyayîşî yê Hesenkeyfî bi nameyê “Seba xelisnayîşê Hesenkeyfî û Newala Dîcleyî erey  nîyo” vengdayîş kerd. 87 dezgehan paştdayîş da vengdayîşî. Vengdayîş de muhîmîya kultur û tarîxî ya Hesenkeyfî ame vîrardene û ame vatene, “Projeyê Ilisûyî destpêk ra şaş a û projeyê rijnayîşî yo.”

Hetê bînî ra ame vatene, senî ke yeno vatene cimatî rê tu feydeyê  ci yo sosyo-akonomîk çin o.

Eşkerayîye de ame vatene eke projeyê Awbendê Ilisûyî bero betalkerdene, sere de panc bajarî, rasterast feydeyê ci yê ekonomî, sosyal, kulturkî û ekolojîkî cimatê Kurdistanî, Tirkîya û Iraqî do bibê. Vengdayîş hukmatê Tirkî rê ame kerdene ke projeyê Awbendê Ilisûyî bidayo vindernayene.