Nameyê tepişteyanê dewaya PKK û PAJKî Denîze Kaya derheqê hêrişanê AKP-MHPyî yê vera zîndanan û qetilkerdişê Şakîr Turanî de eşkerayîyêke daye.

Eşkerayîye wina ya:

''Netîceya polîtîkayanê şerê taybetî yê AKP-MHPyî de embazê ma Şakîr Turan ame qetilkerdene. Ey şehadetê xo ra verî keyeyê xo rê vat 'Ez sereberz a ke mi apey game nêeşte.' Ey bi nê hawayî raştîya xoverdayîşê PKKyî û welatperwerîye mojnaye.

Şexsê embaz Şakîrî de ma pêro şehîdan bi rêz û hûrmetî yad kenê. Ma keyeyê Turanî rê, şarê Kurdîstanî rê zî serweşîye wazenê.

Embaz Şakîr seba têkoşînê azadîye û azadîya kurdan û Kurdîstanî xebitîyayêne. O hetê rejîmê AKP-MHPyî yê faşîstî ra Zîndanê Erzînganî de ame cakerdene. Embaz Şakîrî vera nêweşîyanê xo û polîtîkayanê AKP-MHPyî bi ruhê Apogîrî xo ver da. Embaz Şakîro 70 serre rixmê nêweşîya kanserî zî vera nêdîya ke no karakterê dişmenî yê rejîmê faşîstî mojneno.

Embazê ma Şakîr wexto ke wedarîya nêweşxaneyî zî xeberêke nêdîyaye keyeyê ey. Nêweşxaneyê Cigêrayîş û Perwerdeyî yê Mengucek Gazîyî yê Zanîngehê Erzînganî goreyê şerê taybetî yê AKP-MHPyî têgêra û raporê 'gerek çin o cezaya ci bêra taloqkerdene' da embaz Şakîrî. Sere de AKP-MHP, Wezîrîya Edaletî, îdarekarê zîndanan, nêweşxane, Dezgehê Tipê Edlîyî û partîyê sîyasîyî qetilkerdişê embaz Şakîrî ra mesuldar ê.

Hetê bînî ra Mehkemeya Heqanê Merdiman a Ewropa û CPT vera tecrîdê serê Rayber Apoyî bêveng ê û tecrîdî zî anê ca. Ma venga nînan danê ke seba wedaritişê tecrîdî erkanê xo bikerê.

Ma venga hêzanê demokrasî, sosyalîstan û pêro merdiman danê ke wayîrê zîndanan vejîyê ke vera faşîzmê AKP-MHPyî zîndanî xo ver danê.

Bi raştîya 'Ez sereberz a ke mi apey game nêeşte' ya embaz Şakîrî ma do têkoşînî pîlêr bikerê.''