Hemserekê HDPyî yê Farqînî Kekan Kayduyî derheqê tecrîdê vera Rayberê Şarê Kurdî Abdullah Ocalanî û çalakîya grevê vêşanîye de ANFyî rê qisey kerd.

Kayduyî ard ziwan ke şexsê Abdullah Ocalanî de pêro Rojhelato Mîyanên yeno tecrîdkerdene û vat: ''Tecrîd her roje yeno giranêrkerdene. Seba ke verê çareserîya haştîyane ya meseleya kurdan bêro girewtene tecrîdê Îmraliyî yeno girankerdene. Prosesê çareserîye îsbat kerd ke komel pê fikrê Birêz Ocalanî reseno aramî û haştîye. Îqtîdar huqûqê zereyî û mîyanneteweyî binpay keno û tecrîd ano ca. Her roje zîndanan de heqê tepişteyan yenê binpaykerdene. Coka tepişteyî 185 rojî yo grevê vêşanîye de yê.

Tepişteyî wazenê wa berê Îmraliyî bêrê akerdene û binpaykerdişê heqanê înan biqedê. Tepişteyî edalet û huqûq wazenê. Ganî cade waştişê înan bêrê caardene.''

Kayduyî îfade kerd ke ganî CPT wezîfeyê xo bîyaro ca. Kayduyî vat: ''CPT ganî vera sîstemê Îmraliyî têbigêro û şertanê Îmraliyî bikero holêr. Tecrîdo ke raporê CPTyî de zî qebul bîyo hînî vurîyayo sîstemêkê îşkenceyê sîstematîkî. No sîstem seba pêro welatî sey krîterê huqûqî-polîtîkî yeno qebulkerdene. Heta no nêro çareserkerdene mumkîn nîyo ke welat bireso krîteranê demokratîkan. Seba ney zî ganî CPT wezîfeyê xo bîyaro ca û seba wedaritişê tecrîdî Tirkîya rê teda bikero.''