Hemşaredara Êlihî Gulîstane Sonuk û Hemşaredarê Bajarê Pîlî yê Wanî Abdullah Zeydanî de ajansê ma rê qisey kerd.

Hemşaredara Êlihî Gulîstane Sonuk nê vatî: ''Gerek nê prosesî de tepişteyê nêweşî bêrê veradayene û caardişê qeyûmî biqedîyo. Şar wayîrê vengdayîşê 27ê sibate vejîya. Pêvînayîşê ke îqtîdar û muxalefetî reyde ameyî kerdene hêvî danê la semedê averşîyayîşê prosesî gerek tay gamê pêtî bêrê eştene. Înşayê komelê demokratîkî bi xespkerdişê îradeyê şarî nêbeno, gerek qeyûmî cade peyser bêrê antene û na polîtîka bêro caverdayene. Nê prosesî de qeyûm nê gereke haştîye û demokrasî bêrê qiseykerdene. Ma do vera neheqîye têkoşînê xo bidomnê.''

Hemşaredarê Bajarê Pîlî yê Wanî Abdullah Zeydanî zî nê vatî:  ''8ê Adare û Newroze de şarî waran de wayîrê 'Vengdayîşê Haştîye û Komelê Demokratîkî' vejîya. Semedê înşayê haştîye gerek heqê hêvî bêro caardene, tepişteyê nêweşî bêrê veradayene. No prosesêko tarîxî yo gerek her kes ciddî nizdîyê ci bibo. Caardişê qeyûman dizdîye û talan o. Qeyûmî ziwan, nasname û vîrê bajaran çîn hesibnenê. Gerek caardişê antîdemokratîkî cade bêrê caverdayene.''