Vîrusê Korona ke menga kanûne de Çîn de vîjaye werte pêro dinya de vila beno. Pisporê weşîye hema zî seba weşkerdişê ci dermanêk nêdî.

Covid-19 sey grîbî, serdgirewtişî yeno dîyene. Bi tayberî zî wexto ke ganê merdiman zêdêr germ bibo yan zî bi hawayêkê wişhî û ziwa bikixo nê sey nîşaneyanê serekeyan ê Covid-19 (vîrusê Korona) yenê dîyene.

Pisporî vanê seba ke kapasîteya nêweşxaneyan nêna hîrakerdene û weşkerdişê nêweşan ê giranan nêno astengkerdene merdimê ke ganê înan sincenê û kixenê wa keye de bimanê.

Vîrusê Korona se ra 80 zaf tesîrêkê pîlî nêkeno û hewce çin o ke nêweşxaneyan de bimano. Zafînê nêweşî mîyanê çend rojan de rehet benê.

Pisporê weşîye nêweşanê ke keye de manenê rê nê pêşnîyazan kenê:

-Rojêke de tewr tay 2 reyî ber û pancerayan abikerê û tewr tay 10-20 deqaya hewayo pak bikewo zere.

-Seba ke dormeyê xo de nêweşîye vila nêkerê maske bidê rîyê xo ser.

-Seba ke merdimê şima pê nêweşî nêkewê destikê beran bi sabunî pakî û dezenfekte bikerê. 

-Wexto ke ganê merdiman sincena awe leşê merdiman ra kêm bena, seba ke verê ney bêro girewtene awe bişimê.

-Werdişo binîzamî û bivîtamîn do seba têkoşînê vera vîrusî bifayde bibo.

-Vera enfeksîyonî û serdgirewtişî xebitnayîşê paracetamolî û şimitişê çayî, werdişê lîmonî yenê pêşnîyazkerdene.