Wekîla HDPyî ya Amedî Semra Guzela ke meclîsê tirkî de destnêpadayîşê ci amebi wedaritene, Îstanbul de ameye destbendkerdene.

Wekîle Semra Guzela seba ke fotografê ci yê ke 2014 de pîya bi Volkan Borayê PKKyijî amebî antene,  ameyî weşanayene îqtîdarî derheqê ci de operasyonê linçî dabi destpêkerdene û meclîsê tirke de destnêpadayîşê ci amebi wedaritene.

Bado ke destnêpadayîşê Guzele ame wedaritene dewleta tirke derheqê aye de bi sûcdarîya  “endamîya rêxistina terorî" qerarê tepiştişî vetbi.