BERLIN:  Paytextê Almanya Berlin de bi mîtîngêk hêrişê dewleta tirkî ameyî protestokerdene. Xeylî temsîlkarê dezgehanê kurdan û tirkan tewrê ci bîyî. Qiseykerdişan de ame vatene ke sey vizêrî ganî ewro zî şarê dinya wayîr Kobanê bivejîyo.

DUİSBURG: Bajarê Duisburgî de zî hêrişê dewlata tirkî yê vera Girê Spî û Kobanê bi çalakîyêk ameyî şermezerkerdene. Çalakwanan bi slogana ‘‘Merkel fînansê kena, Erdogan bombardûman keno‘ paştgêrîya Almanya rê hêrsê xo ard ziwan.

BIELEFELD: Bi heman waştişî Bielefeld de zî kurdîstanijî û dostê ci kuçeyan de bî. Xeylî temsîlkaranê dezgehanê kurdan û tirkan a pîya sîyasetkarê almanî zî tewrê ci biyî û polîtîkaya hêrişkare ya dewleta tirkî protesto kerde.

GİESSEN: Semedê 1ê Teşrîna peyêne Roja Kobanê ya Dinya Giesen de zî bi seyan kesî ameyî têhet û hêrişê dewleta tirkî yê vera Rojawan protesto kerd.

BREMEN: Bajarê Bremen de zî aktîvîteyêk ameye viaştene. Çalakwanan bale ante hêrişê dewleta tirkî ser û hukmatê Almanya ra waşt ke wa paşt qetilkaranê kurdan medo.

HANNOVER:  Sey xeylî bajaranê bînan ê Almanya Hannover de zî şarê kurdî û hetê demokratî vejîyayî kuçeyan. Çalakwanan 1ê Teşrîna peyêne Roja Kobanê ya Dinya fîraz kerd û hêrişê dewleta tirkî protesto kerdî.

DUSSELDORF: Dusseldorf de zî şexsê Berîtan Hêvî (Gulnaz Karataşe) de şehîdê aşma Teşrîna verêne ameyî yadkerdene û qiseykerdişan de xoverdayîşê Rojawan ame silamkerdene.

STUTTGART: Stuttgart de zî bi çalakîyêk roja Kobanê ameye firazkerdene û dewleta tirkî ya hêrişkare ameyî protestokerdene. Çalakwanan hukmatê Almanya zî protesto kerd.

BORDEAUX:Bajarê Fransa Bordeauxî zî de hêrişê vera Rojawan ameyî şermezarkerdene.

MARSİLYA: Marsîlya de zî rayberîya Têgêrayîşê Ciwanên Azadî de çalakîyêk ameye viraştene.  Reyna gencan pirdêk de di pankartî aliqnayî û bale ante xoverdayîşê Kobanê û azadîya Ocalanî ser.

MONTPELLIER: Bajarê Montpellierî de zî kurdîstanijî û dostê ci bi slogananê ‘‘Kobanê tena nîya, her ca Kobanê hêr xoverdayîş o‘‘  kuçeyan de qêrayî.

ATİNA:  Paytextê Yûnanîstanî Atîna de zî bi çalakîyêk hêrişê dewleta tirkî yê vera Rojawan ameyî protestokerdene.

CENEVRE: Bajarê Cenevre yê Swîsre de zî şexsê şerwanê YPGyî Muhammet Şikî( Renas Kara) de şehîdê Kobanê ameyî yadkerdene û qiseykerdişan de mesajê berzkerdişê tekoşînî ameyî dayene.

LOZAN: Bajarê Lozanî de zî çalakîyêk ameye viraştene. Çalakwanan  1ê Teşrîna peyêne Roja Kobanê ya Dinya fîraz kerd û vera hêrişanê dewleta tirkî hêrsê xo ard ziwan.

BERN: Bern de zî Têgêrayîşê Ciwanên Şoreşêrî çalakîyêk organîze kerde. Çalakwanan veng da gencanê kurdan û waşt wa her cade wirzê lingan ser o.

WİNTHERTHUR: Bajarê Wintherthurî de zî kurdîstanijî û dostî kuçeyan de bî. Çalakwanan bi vilawekan derheqê xoverdayîşê Kobanê û polîtîkaya hêrişkare yê tirkan de zanayîş da.

ZURİH: Bajarê Zurihî de zî  di çalakîyî ameyî viraştene. Hêrişê dewleta tirkî ya îşxalkare û tecrîdê Îmrali ameyî protestokerdene.

VİYANA: Paytexta Awusturya  Viyana de zî bi heman waştişî  rayîrraşîyayîşêk ame viraştene. Ame vatene ke şarê kurdî û hetê demokratî sey vizêr ewro zî destûr hêrişkaran nêdanî.

LİMASOL: Bajarê Limasolî yê Kibrisî de zî  1ê Teşrîna peyêne Roja Kobanê ya Dinya ameye fîrazkerdene.