Dewleta tirke ya îşxalkere 23ê nîsane ra nata Başûrê Kurdîstanî de hêrişanê îşxalî yê neweyan kena.

Hêrişê îşxalî ke herêmanê Metîna, Zap û Avaşînî de yenê kerdene de  darî zî yenê birnayene û semedê rotişî Tirkîya rê yenê remnayene.

Serekkomarê Iraqî Berhem Salîhî hesabê xo yê Twîtterî ra vera binpaykerdişê bandure û talankerdişê xoza nêrazîbîyayîş ramojna. Berhem Salîhî wina vat: ''Pîya bi binpaykerdişê heqan ê ke sîvîlan kenê macîr, Hirur, Batîfa û waranê bînan ê herêma Kurdîstanî de darî yenê birnayene. Nê caardişî teberê merdimîye  sûcê vera derûdorî yo. wezîfeyê ma oyo ke ma semedê vergirewtişî nê û cezakerdişê sûcdaran, mabênê hukmatê federal û herêmî de koordînosyonêk ronê.''