Polîsanê tirkan serê sibayî Amed de eşt bînayanê MED-DERî û Payîza Pirtûka ser.

Polîsan berê bînaya MED-DERî şikit, dest na kitabanê dersa kurdkî, kovaran, kitab û hardîskan ser. Dima kilîdê berê MED-DERî ame vurnayene û mefte dîya muxtarê taxe. 

Operasyon de xeylêk kesî ameyî destbendkerdene. Derheqê dosyaya destbendkerdeyan de 'bira nimitişî' est a. Dîya zanayene ke nê kesî îfadeyanê îtîrafker Umît Akbiyikî ser o ameyê destbendkerdene.

MED-DERî de nê kesî ameyî destbendkerdene: Hemserekê MEB-DERî Mehmet Remzî Azîzoglû û Şukrane Yakut, Rifat Ronî, Dîlan Guvenç, Nazan Çelîk, Cîhat Guneylî, Îlyas Gun, Bêrîtan Gurbet Orak, Mîne Karakaş, Ramazan Holat, Hebûn Yagmûr, Ayhan Karatekîn, Bêrîvan Duman, Mehmet Salîh Ongun, Rabia Karayil, Rêzan Aktulum (Hrant), Belkisa Suleymanoglû Bitkîn, Fatma Îgîn.

Pirtûkxaneyê Payîzî de cigêrayîşê polîsan dewam keno. Ame parekerdene ke polîsan dest nayo xeylêk kitaban ser.

Çarçewa tehqîqatî de Îdarekara Jîn Art-Hunerî ya Îzmîrî Belkisa Suleymanoglû Bîtkîn zî keyeyê xo de ameye destbendkerdene.